طفل ينطق " بابابابابابا " .. ما الحل ..؟

[فراشه هلاليه]

 

السسلام عليكم


مشكـلتي كـ التالي : ،
وحده من قريباتي طفلها عمره 4سنوات ونصف بالروضه .. بس عنده مشكلة بالنطق << اخوانه كلهم سليمين


اي فكره يكون هوا حابب يوصلها لك .. تلاقيه يشرح لك القصه بيده وهو طول الوقت جالس يقول ( با با با با با با .... )


يعني مثلا // مره كان يبي يقولي انه راح من امس و قص شعره .. جلس يشرحلي الحكايه بيده وهو طول الوقت كلامه ( با با با با با ... )
ماقال اي حرف غير كذا ..
يعني "مشكلة هالطفل" هي: ان اي شي يبي يقوله مستحيل يستخدم غير هالسيآق ( ( با با با با با با .... )


لما جربت احاول فيه ينطق كلمة ( باب ) قدر ينطقها لي بعد المحاوله الثالثه <<~ يمكن لانها قريبه من الاحرف اللي متعود ينطقها ..
و لما حاولت فيه ينطق ( حمام ) ما قدر
بس برضو كلمة ( باب ) ماقدر يعممها .. يعني من بعدها بساعتين اشرت ع الباب وقلت وش اسم هذا ؟؟؟ ماعرف



قريبتي ودت طفلها وطلع ،( مافيه توحد .. و عضويا سليم )


بس لاحظت أنا إن عندو تشـتت و ما يجلس بمكان واحد .. حركته كثيييره
السمع عنده مره كويس .. و كمان يفهم تمام ..


يعني لما اقوله مثلا ( تعال اجلس جنـبي ) يفهم علي و يجي يجلس
لما اقوله مثلا ( تبي اعطيك ستـيكر ) يهز راسه بمعنى ايه و احيانا يسترسل معاي بالكلام .. يعني احسه يعللق مثلا ع الستيكر او شي من هالقبيل
بس طبعا بنفس الاحرف اللي كتبـتها لكم


بالروضه يعرف ياكل وجبته من نفسه .. و يغسل الطبق بعد ما يخلص ..
حتى الحمام _الله يكرم القارئين_ يعرف يستخدمه من غير مساعدة




أنا حابه اساعد قريبـتي ..
خصوصا ان زوجها مو راضي نهآئيا ً يودي الطفل لاخصائي نطق .. حآولت معاه بكل الطرق بس هو راااااااااااافض هالفكره < يقول بكرا ينطق من نفسه عادي ...!!


وقريـبتي مو حابه تجلس كذا مكتـفه يدها ، ما سوت شي


أبي منكم احد يفهمني ،، ألحين كيف ابدى خطة علاج مع هالطفل ؟؟
هل على طول ابدى اعلمه ينطق كلمات ؟؟ .. يعني مثلا اجلس اسبوع كامل اركز معاه على كلمة ( سيارة ) واجيب له صور لها ومجسمات لها ... الخ <<~~ مثلا


والا المفروض ما ابدى معاه على طول بالكلمات .. اعلمه بالأول اصوات الحروف




أبي احد يعطيـني خطه علاجيه
يعني الاسبوع الاول مثلا مطلوب مني ادرس الطفل كذا و كذا و .. ( ... + .... + ... الخ ) <
و اذا حققت هدف الاسبوع الاول انتقل لهدف الاسبوع اللي بعده ، اللي هو ......


((واللي ما احـققه)) ارجع احاول مع الطفل الاسبوع اللي بعده بس مثلا اغير الاسلوب او طريقتي


أنا مره متحمسه إني اساعد هالطفل
بس أبي أحد يعلمني طريقة منظمه أمشي عليها
ابي امشي على خطوات .. او اهداف


اقدر من خلالها اعرف لما يعدي اسبوع انا ايش انجزت مع الطفل !!





ياااااااااارب أحد يقدر يسآعدني بعد هالشرح الطوويييل ..
أبي خطه كامله بأهدافها .. لاني انا "من نفسي" ماراح اعرف اصييغ الاهداف اللي مفروض انجزها ..

لاني عارفه الموضوع المفروض يجي على مراحل أو خطوات مفروض ابدى فيها بالتدريج .. وانا ما أعرفها



واللي عنده اي نصيحه ممكن تفيـدني " لا يبخل علي تكفون "




دمتم بود