القدم الحنفاء والصلب المشقوق

[انت حبي]

 

المشاركة الأصلية كتبت بواسطة ام تالين

الاخت فاطمة انا بنتي زي بنتك وتتابع بعيادة الصلب المشقوق بالحرس الوطني بالرياض عند الدكتور مازن الحنيشل وهو زي ما عرفت متخصص بعظام الاطفال وتشوهات الصلب المشقوق وماشاءالله مره كويس
اول ما بديت عندهم كان عمر بنتي عشر شهور وشافها الدكتور مازن الحنيشل وقرر بالنسبة لتشوه القدم الحنفاء بالرجلين الثنتين انه يبداها على علاج بالجبس هو متخصص فيها اسمها طريقة بونستي وعمل جبس لبنتي تالين لمدة ستة اسابيع كل اسبوع يغيرها اللين تعدلت ماشاء الله رجول بنتي بعدين خذاها للعمليات وسوا قص لوتر الكاحل الخلفي وسوا عملية تعديل بوسط بطن القدم يقول انها خاصة باللي عندهم صلب مشقوق وخلاها بجبس لمدة ثلاث اسابيع وبعدين خلاها تلبس جزم حاصة اول كل اليوم مدة ثلاث شهور وبعدين بس بالليل لما تنام واسويلها تمارين كل يوم زي ما تغلمت من الدكتور مازن الحنيشل لحد ما صارت تحبي وتحاول تاقف وعمرها سنتين بعدين عطا بنتي جباير خاصة باللي عندهم صلب مشقوق تساعدهم على المشي وحولني الدكتور مازن للعلاج الطبيعي عشان يعلمون بنتي المشي وهالحين الحمدلله هي تمشي بالجباير ومازلت اتابع فيها عند الدكتور مازن الحنيشل مرتين بالسنة

بالنسبة للبول والبراز انا بنتي تستخدم حفايض وانا فهمت من الدكتور مازن ان هذا شي عادي للي مثل حالتها بس انا اقول مثل ما قال اخوي الزنان انه اهم شي ما يصير عندها ارتجاع في البول وهو زي ما فهمت من الدكتور مازن اه ممكن يسوي لاسمح الله فشل كلوي وانا اتابع فيها غند الدكتور احمد الشمري وهو متخصص بكذا

بالنسبة للتطريش انا رايي كثري رضعاتها وقللي كمية الرضعة وانشالله تتحسن

بالنسبة للاخت ايمان اللي عند بنتها القدم الحنفاء روحي للدكتور مازن مره كويس وطيب ومتعاون يمكن عالجها زي بنتي لانه بعيادة الدكتور مازن كان معي اطفال عندهم بس قدم حنفاء وكان الدكتور مازن يسوي لهم زي بنتي وشفت كذا واحد يمشون زين ورجولهم مو باين فيها شي والله يخليها لك

اختي انتي بنتك تحرك اصابع القدمين انا بنتي عندها شلل جزئي من الركبة الى الاقدام ماتحركهم ؟

بنتك اذا وقفت على القدمين توقف او تنسفط وتنعوج الى الداخل اذا وقفت؟

اختي كيف اقدر اراجع بنتي في مستشفى الحرس وانا من الاحساء ؟

ارجوك انتظر ردك..........