وش عاد باقي يا الليال المقابيل
وش عاد باقي غير حزن وتعاسة
طفولتي راحت بليا محاصيل
ما اعرف وش طعم الفرح والو ناسه
عندي تساوت كفة الصبح والليل
دايم وأنا نفسيتي في انتكاسه
إعاقتي صارت عليّه بهاذيل
محروم حتى من حقوق الدر اسه
محجوز في غرفه عن القال والقيل
وفــ عيون أبوي أشوف عطف وشراسه
مثل السجين يكبل الباب تكبيل
لا جا ضيوف يشددون الحراسة
كبرت ما اعرف وش علوم الرجاجيل
وباموت ثوبي ما اعرف وش مقاسه
لو يمنحوني فرصتي فقت هالجيل
حماس من ياسين تأخذ حماسه
ذكي واحلل في أدق التفاصيل
وإعاقتي خلتني أكثر كياسة
مرات من زود العنا والغرابيل
تطيح دمعه رغم قلبي وباسه
ولا مرّ احد مسحّتها بالمناديل
عشان ما يلمح دموع التعاسة
تحياتي لكم
rouchdani
« آخــر المشـاركــات »
10-30-2009, 07:19 PM
قصيده عن معاق
العرض الشجري